မြတောင်ဆရာတော်၏ မာ + ဓာ မှတ်တမ်း

ဒုကမာတိကာမှတ်တမ်း

ဟေတုဂေါစ္ဆကမှတ်စု

နမော တဿ ဘဂ၀တော အရဟတော သမ္မာသမ္ဗုဒ္ဓဿ

ဤဂေါစ္ဆက၌ ပရမတ္ထတရားအားလုံးကို -

၁။ ပထမဒုက်၌ ဟိတ်မည်သောတရားနှင့် မယှဉ်သောတရား၊

၂။ ဒုတိယဒုက်၌ သမ္ပယုတ်ဟိတ်ရှိသောတရားနှင့် မယှဉ်သောတရား၊

၃။ တတိယဒုက်၌ ဟိတ်နှင့်ယှဉ်သောတရားနှင့် မယှဉ်သောတရား - ဟု နှစ်မျိုးစီ ခွဲ၍

    ဟောမည်။ မဟောသောတရားဟူ၍ မရှိ။

၎။ စတုတ္ထဒုက်၌ သမ္ပယုတ်ဟိတ်ရှိသောတရားကိုသာလျှင် ဟိတ်မည်သောတရားနှင့်
     မမည်သောတရား-ဟု နှစ်မျိုးခွဲ၍ ဟောမည်။ သမ္ပယုတ်ဟိတ်မရှိသောတရားကို မဟော
    ၍ ဒုက်မုတ်ထုတ်ရသည်။

၅။ ပဉ္စမဒုက်၌ ဟိတ်နှင့်ယှဉ်သောတရားကိုသာလျှင် ဟိတ်မည်သောတရားနှင့် မမည်သော
   တရား -ဟု နှစ်မျိုးခွဲ၍ ဟောမည်။ ဟိတ်နှင့်မယှဉ်သောတရားကို မဟော၍ ဒုက်မုတ်ထုတ်
   ရသည်။

၆။ ဆဋ္ဌဒုက်၌ ဟိတ်မမည်သောတရားကိုသာလျှင် သမ္ပယုတ်ဟိတ်ရှိသောတရားနှင့် မရှိ -
    သောတရား - ဟု နှစ်မျိုးခွဲ၍ ဟောမည်။ ဟိတ်မည်သောတရားကို မဟော၍ ဒုက်မုတ် -
   ထုတ်ရသည်။

တရားရှာပုံ

       ဟေတုသင်္ဂဟအသွားကို ကြည့်၍ -

၁။ ဟိတ်မည်သောတရားတို့မှာ ``လော. ဒေါ. မောဟာ၊ ဤသုံးဖြာ၊ `အ´နှင့်ယှဉ်စပ်၊ ဟိတ်ခြောက်မှတ်´´ဟူသော နိယံနှင့်အညီ ဟိတ်ခြောက်ပါးဖြစ်၍ ကြွင်းသော စိတ်. စေတသိက်. ရုပ်. နိဗ္ဗာန်တို့သည် ဟိတ်မမည်သောတရားများ ဖြစ်ပါသည်။

ဟိတ်ခြောက်ပါးကို သစ္စာဖွဲ့ပုံ

       ဟိတ်ခြောက်ပါးကို လောကီ. လောကုတ္တရာနှစ်မျိုးခွဲ၍ လောကီဟိတ်တို့တွင် လောကီ
သဟိတ်စိတ်၌ရှိသော လောဘကြဉ်သော ဟိတ်ငါးပါးကို ဒုက္ခသစ္စာ၊ လောဘကို သမုဒယ-
သစ္စာဖွဲ့ရသည်။

       လောကုတ္တရာဟိတ်တို့တွင် မဂ်စိတ်လေးခု၌ရှိသော အမောဟကို မဂ္ဂသစ္စာ၊ ကြွင်းသော အလောဘနှင့် အဒေါသကို သစ္စာဝိမုတ်၊ ဖိုလ်စိတ်လေးခု၌ရှိသော ဟိတ်သုံးလုံးကို သစ္စာဝိမုတ်ထုတ်ရသည်။

       ၂။ သမ္ပယုတ်ဟိတ်ရှိသောတရားတို့မှာ ``သေသာနိ သဗ္ဗာနိပိ ဧကသတ္တတိစိတ္တာနိ
သဟေတုကာနေ၀´´ဟူသောပါဠိနှင့်အညီ သဟိတ်စိတ် ဧကသတ္တတိတို့ဖြစ်ပါသည်။ ၎င်းကို စေတသိက်ယှဉ်သော် မောဟမူဒွေ၌ မောဟကြဉ်သော စေတသိက်ဒွေပညာသဖြစ်ပါ
သည်။

       မောဟမူဒွေ၌ မောဟမှာ ယှဉ်ဖော်ယှဉ်ဖက် သမ္ပယုတ်ဟိတ်မရှိသောကြောင့် ကြဉ်ရသည်။

       သမ္ပယုတ်ဟိတ်မရှိသောတရားတို့မှာ ``တတ္ထ ပဉ္စဒွါရာဝဇ္ဇန´´စသောပါဠိနှင့်အညီ အဟိတ်စိတ်အဋ္ဌာရသ၊ ဆန္ဒကြဉ်သော အညသမာန်းစေတသိက် ဒွါဒသ၊ ရုပ်အဋ္ဌ၀ီသ၊ နိဗ္ဗာန်တို့ ဖြစ်ပါသည်။

       ၃။ ဟိတ်နှင့်ယှဉ်သောတရားနှင့် မယှဉ်သောတရားတို့မှာ ဟိတ်ရှိသောတရား. မရှိသောတရားတို့နှင့် အတူတူပင် ဖြစ်ပါသည်။

       ၄။ စတုတ္ထဒုက်များ၌ ဒုက်၏အမည်တွင် ပါဝင်သော ဒုတိယပုဒ်ကို ကြည့်၍ ဟောမည့်တရားကို ရှာရသည်။ ပထမပုဒ်ကို ကြည့်၍ ဟောနည်းကို ရှာရသည်။ ဤသည်မှာ ဂေါစ္ဆက၏ သဘောသွားဖြစ်သည်။

       ဥပမာ = စတုတ္ထဒုက်၏ အမည်မှာ ``ဟေတု+သဟေတုက´´ဒုက်ဖြစ်သည်။ ထိုတွင် ဒုတိယပုဒ်မှာ ``သဟေတုက´´ဖြစ်သည်။ ``သဟေတုက´´ဟူသည်မှာ ``သမ္ပယုတ် ဟိတ်ရှိသော´´ဟု အဓိပ္ပာယ်ရသည်။ သို့ဖြစ်၍ ဤဒုက်၌ ``သမ္ပယုတ်ဟိတ် ရှိသော တရားများ´´ကိုသာ ဟောမည်-ဟု သိရသည်။

     ပထမပုဒ်မှာ ``ဟေတု´´ဖြစ်သည်။ ``ဟေတု´´ဟူသည်မှာ ``ဟိတ်မည်သော´´-ဟု အဓိပ္ပာယ်ရသည်။ သို့ဖြစ်၍ ဤဒုက်၌ သမ္ပယုတ်ဟိတ်ရှိသောတရားများကိုသာလျှင် ဟိတ်မည်သောတရား၊ ဟိတ်မမည်သောတရား-ဟု နှစ်မျိုးခွဲ၍ ဟောရမည်။

       သမ္ပယုတ်ဟိတ်မရှိသောတရားများကို မဟော၍ ဒုက်မုတ်ထုတ်ရသည်။

       ၅။ ပဉ္စမဒုက်များ၌လည်း စတုတ္ထဒုက်များနည်းတူ ဟောမည့်တရားနှင့် ဟောနည်းကို ရှာရသည်။ ဤ၌ ပဉ္စမဒုက်၏ အမည်မှာ ``ဟေတု+ဟေတုသမ္ပယုတ္တ´´ဒုက်ဖြစ်သည်။ ထိုတွင် ဒုတိယဖြစ်သော ``ဟေတုသမ္ပယုတ္တ´´ပုဒ်ဖြင့် ဟိတ်နှင့်ယှဉ်သောတရား ကိုသာ ဟောမည်။ ပထမပုဒ်ဖြစ်သော ``ဟေတု´´ပုဒ်ဖြင့် ဟိတ်မည်သောတရား၊ ဟိတ်မမည်-သောတရား-ဟု နှစ်မျိုးခွဲ၍ ဟောရမည်-ဟု သိရမည်။

       ဟိတ်နှင့်မယှဉ်သောတရားမှန်သမျှကို မဟော၍ ဒုက်မုတ်ထုတ်ရသည်။

       ၆။ ဆဋ္ဌဒုက်များ၌ ဒုက်၏အမည်တွင်ပါဝင်သော ပထမပုဒ်ဖြင့် ဟောမည့်တရားကို ရှာရမည်။ ဒုတိယပုဒ်ဖြင့် ဟောနည်းကို ရှာရမည်။ ဤ၌ ဒုက်၏အမည်မှာ ``န ဟေတု + သဟေတုက´´ဒုက်ဖြစ်သည်။ ထိုတွင် ပထမပုဒ်မှာ ``န ဟေတု´´ဖြစ်သည်။ ``ဟိတ် -မမည်သောတရား´´ဟု အဓိပ္ပာယ်ရသည်။ ဒုတိယပုဒ်မှာ ``သဟေတုက´´ဖြစ်သည်။ ``သမ္ပယုတ်ဟိတ်ရှိသော´´ဟု အဓိပ္ပာယ်ရသည်။ သို့ဖြစ်၍ ဟိတ်မမည်သောတရားများ ကိုသာလျှင် သမ္ပယုတ်ဟိတ်ရှိသောတရား၊ မရှိသောတရား-ဟု နှစ်မျိုးခွဲ၍ ဟောရမည်။

       ဟိတ်မမည်သောတရားကိုကား မဟော၍ ဒုက်မုတ်ထုတ်ရသည်။

သဒ္ဒါထူး၍ အနက်မထူးလျှင်

 သဒ္ဒါထူး၍ အနက်မထူးလျှင် ဒေသနာဝိလာသ၊ ပုဂ္ဂလဇ္ဈာသယအားဖြင့် ဟောတော်-မူသည် ဟု မှတ်ရမည်။

       ဤ၌ ဟေတုသမ္ပယုတ္တဒုက်သည် သဟေတုကဒုက်နှင့် သဒ္ဒါမျှသာ ထူး၏။ အနက် -အားဖြင့်ကား မထူးပေ။ ထိုသို့ မထူးသော်လည်း မြတ်ဗုဒ္ဓသည် ဒေသနာဝိလာသ၊ ပုဂ္ဂလဇ္ဈာ-သယအားဖြင့် ဟောတော်မူပါသည်။

အာသ၀ဂေါစ္ဆကာဒိမှတ်စု

အာသ၀စသော ကိုးဂေါစ္ဆကတို့၏

       ၁။ ပထမဒုက်များ၌ ပရမတ္ထတရားအားလုံးကို တရားကိုယ်တရား၊ တရားကိုယ်မှ ကြွင်းသောတရား-ဟု နှစ်မျိုးခွဲ၍ ဟောမည်။ မဟောသော ပရမတ္ထတရားဟူ၍ မရှိ။

       ၂။ ဒုတိယဒုက်များ၌ ပရမတ္ထတရားအားလုံးကို တရားကိုယ်၏ အာရုံဖြစ်ထိုက်သော တရား၊ အားရုံမဖြစ်ထိုက်သောတရား-ဟု နှစ်မျိုးခွဲ၍ ဟောမည်။ မဟောသော ပရမတ္ထတရား ဟူ၍ မရှိ။

       ၃။ တတိယဒုက်များ၌ ပရမတ္ထတရားအားလုံးကို တရားကိုယ်နှင့်ယှဉ်သောတရား၊ မယှဉ်သောတရား-ဟု နှစ်မျိုးခွဲ၍ ဟောမည်။ မဟောသော ပရမတ္ထတရားဟူ၍ မရှိ။

       ၄။ စတုတ္ထဒုက်များ၌ တရားကိုယ်၏ အာရုံဖြစ်ထိုက်သောတရားကိုသာလျှင် တရား-ကိုယ်တရား၊ တရားကိုယ်မှ ကြွင်းသောတရား-ဟု နှစ်မျိုးခွဲ၍ ဟောမည်။ တရားကိုယ်၏ အာရုံမဖြစ်ထိုက်သောတရားကိုကား မဟော၍ ဒုက်မုတ်ထုတ်ရသည်။

       ၅။ ပဉ္စမဒုက်များ၌ တရားကိုယ်နှင့်ယှဉ်သောတရားကိုသာလျှင် တရားကိုယ်တရား၊ တရားကိုယ်မှ ကြွင်းသောတရား-ဟု နှစ်မျိုးခွဲ၍ ဟောမည်။ တရားကိုယ်နှင့် မယှဉ်သော-တရားကိုကား မဟော၍ ဒုက်မုတ်ထုတ်ရသည်။

       ၆။ ဆဋ္ဌ (နောက်ဆုံး) ဒုက်များ၌ တရားကိုယ်နှင့် မယှဉ်သောတရားများကိုသာလျှင် တရားကိုယ်၏ အာရုံဖြစ်ထိုက်သောတရားနှင့် အာရုံမဖြစ်ထိုက်သော တရား- ဟု နှစ်မျိုးခွဲ၍ ဟောမည်။ တရားကိုယ်နှင့်ယှဉ်သောတရားကိုကား မဟော၍ ဒုက်မုတ်ထုတ်ရသည်။

တရားကြည့်ပုံနှင့် ရှာပုံ

       ၁။ ပထမဒုက်များ၌ တရားကိုယ်တရား၊ တရားကိုယ်မှ ကြွင်းသောတရား-ဟု နှစ်မျိုး-ခွဲ၍ ဟောမည်-ဟု ဆိုထားသောကြောင့် ဤ ၌ အာသ၀စသော တရားကိုယ်များကို သိထား
ရမည်သာ။ သို့ဖြစ်၍ အောက်ပါနိယံများဖြင့် အာသ၀စသော တရားကိုယ်များကို သိပါလေ ..

တရားကိုယ်နိယံများ

       ၁။ လော. ဒေါ. မောဟာ၊ ဤသုံးဖြာ၊ `အ´နှင့်ယှဉ်စပ်၊ ဟိတ်ခြောက်မှတ်။

       ၂။ လော. ဒိဋ္ဌ်နှင့်မော၊ သုံးပါးပြော၊ အာ. သြ. ယောဂ၊ တရားကိုယ်။

       ၃။ လော. ဒေါ. ဒိဋ္ဌိ၊ သုံးပါးရှိ၊ မှတ်ဘိ ဂန္ထ၊ တရားကိုယ်။

       ၄။ လော. ဒိဋ္ဌ် နှစ်တန်၊ ဥပါဒါန်၊ မှတ်ရန် တရားကိုယ်။

       ၅။ လောဘ. ဒေါသ၊ ထိန. မိဒ္ဓံ၊ ဥဒ္ဓစ္စံနှင့်၊ ကုက္ကုစ္စထည့်၊ ၀ိစိကိစ္ဆာ၊ မောဟပါ၊

          ရှစ်ဖြာ နီဝရဏ တရားကိုယ်။

       ၆။ လော. ဒေါ. မာ. ဒိဋ္ဌ်၊ ၀ိစိကိစ္ဆာ၊ မောဟပါ၊ ခြောက်ဖြာ အနုသယတရားကိုယ်။

       ၇။ လော. ဒေါ. မာ. ဒိဋ္ဌ်၊ ၀ိစိကိစ်နှင့်၊ ဣသ်. မစ်. မောဟာ၊ ဤရှစ်ဖြာ၊ မှတ်ပါ

          သံယောဇဉ် တရားကိုယ်။

       ၈။ လော. ဒေါ. မော. မာ၊ ဒိ. ကိစ္ဆာနှင့်၊ ထိနာ. ဥဒ္ဓစ္စိ၊ အဟိရိကံ၊ နောတ္တပ္ပံ၊

          မှတ်ရန် တစ်ဆယ်ကိ။

       ဟောပုံမှာ = ပထမပဒအရ တရားကိုယ်တရားများကို ကောက်ယူပြီး ဒုတိယပဒ အရ တရားကိုယ်မှ ကြွင်းသောပရမတ္ထတရားများကို ကောက်ယူရမည်။

       ၂။ ဒုတိယဒုက်များ၌ တရားကိုယ်၏ အာရုံဖြစ်ထိုက်သောတရား၊ အာရုံမဖြစ် -ထိုက်သောတရား-ဟု နှစ်မျိုးခွဲ၍ ဟောမည်-ဟု ဆိုထား၏။ ဤ၌ အာသ၀စသောတရား - များမှာ အကုသိုလ်တရားချည်းဖြစ်၏။ ထိုအကုသိုလ်တရားများ၏ အာရုံဖြစ်ထိုက်သော-များမှာ ``အကုသိုလ်မှာ လောကီသာတည်း´´ဟူသောနိယံနှင့်အညီ ``လောကီစိတ် ဧက-သီတိ၊ စေတသိက်ဒွေပညာသ၊ ရုပ်အဋ္ဌ၀ီသ´´ဟူသော လောကီတရားများဖြစ်ပါသည်။

       အာရုံမဖြစ်ထိုက်သောတရားများမှာ ``လောကုတ္တရာစိတ်ရှစ်ခု၊ စေတသိက်ဆတ္တိံသ၊
နိဗ္ဗာန်´´ဟူသော လောကုတ္တရာတရားများဖြစ်ပါသည်။

       သို့ဖြစ်၍ ပထမပဒ အရ လောကီတရားကို ကောက်၍ ဒုတိယပဒ အရ လောကုတ္တရာ
တရားများကို ကောက်ယူရမည်။

နိယံများ

       ၁။ အာသ၀.စ၊ ကိုးဝ ဂေါစ်မှာ။ ဒုတိယမျိုး၊ ဒုက်ကိုးခုပါ။

    ပရိယာပန္န၊ သဥတ္တရာ။ လောကိယ၊ ဒုက်က အတိုင်းသာ။

၂။ လောကီစိတ်. စေ၊ ရုပ်ကုန်ပေ။ ကောက်လေ ပထမ၊ လောကိယ။

   ဒုတိယမှာ၊ လောကုတ္တာ၊ သင်္ချာ န၀၊ ကိုးပါးပြ။   ။

       ၃။ တတိယဒုက်များ၌ ပထမပဒ အရ တရားကိုယ်နှင့်ယှဉ်သောတရားကို ကောက်ယူ
ရမည်။ ဒုတိယပဒ အရ တရားကိုယ်နှင့် မယှဉ်သောတရားမှန်သမျှကို ကောက်ယူရမည်။

       ဤ၌ သမ္ပယုတ္တအရ တရားကိုယ်နှင့်ယှဉ်သောတရား၊ တရားကိုယ်အချင်းချင်း -ယှဉ်သောတရား-ဟု နှစ်မျိုးလုံးကို ယူရမည်။ သို့ဖြစ်၍ ဤ၌ တရားကိုယ်နှင့်ယှဉ်သော တရားများကို အောက်ပါနိယံများနှင့် သိနိုင်ပါသည်။

နိယံများ

       ၁။