ငါးရံ့မင်းပရိတ်ဒေသနာတော်

* မစ္ဆရာဇသုတ် ပရိတ်တော် …..

* ငါးရံ့မင်းပရိတ်ခေါ် မစ္ဆရာဇပရိတ်တော်ကို စနေနံဆရာတော်မှ စာအုပ်ကလေး လုပ်ပေးပါဆိုပြီး လာရောက်အကူအညီ တောင်းတယ်။ သာမာန်ပါပဲ ကူညီပါ့မယ်လို့ ပြောလိုက်ပြီးကာမှ ပြီးပြီးရော လုပ်ပေးရင်တော့ မဖြစ်ဘူးဆိုတဲ့ အတွေးနဲ့ ဟိုဟိုဒီဒီ ရှာကြံကြည့်လိုက်မိတယ်။

* အဲ့ဒီမှာ ဇာတကပါဠိတော် ပထမအုပ် စာမျက်နှာ (၁၈) နဲ့ ဇာတကဋ္ဌကထာ ပထမအုပ် စာမျက်နှာ (၃၄၈)၊ အပါဒါန်ပါဠိတော် ဒုတိယအုပ်၊ စရိယာပိဋကတ်ပါဠိတော် စာမျက်နှာ (၄၁၅) တို့မှာ တွေ့ရှိပါတယ်။ အဲ့ဒီပါဠိတော်များနဲ့ တိုက်ကြည့်စိစစ်ပြီး ပါဠိအက္ခရာများကို အတတ်နိုင်ဆုံး မှန်ကန်အောင် ကူးယူရိုက်နှိပ်လိုက်တယ်။

* ပါဠိတော်တွေ မှန်ကန်သိရှိရုံနဲ့တော့ အရသာ မရှိ။ သဘော အဓိပ္ပာယ်ပါ သိရှိနားလည်မှ ပို၍ ပို၍ အရသာရှိမည်ဟု တွေးမိတာနဲ့ ဇာတကဋ္ဌကထာမှာ လာသည့် ဇာတ်ကြောင်းလေ့လာမိလိုက်တယ်။ ပို၍ ပို၍ အရသာရှိစေဘို့ မစ္ဆရာဇဇာတ်ရဲ့ ဇာတ်ကြောင်းလေးကိုပါ စေတနာ မေတ္တာများဖြင့် ရေးသားတင်ပြလိုက်ရပါတယ် …..

#ဒုက္ခသည်နှင့် ဗုဒ္ဓနှလုံးသား ….
* ကောသလတိုင်း၊ သာဝတ္ထိပြည်၊ ဇေတ၀န်ကျောင်း၊ မိုးခေါင်ရေးရှား ကာလတစ်ခု၊ ကောက်စပါးတွေ ညှိုးနွမ်းကြကုန်၏။ ရေတွင်းရေကန်တွေ ခြောက်ခန်းကြကုန်၏။ ဇေတ၀န်မုခ်ဦးမှ ဇေတ၀န်ရေကန်သည် ရေပြတ်ရုံမျှမက ပါးအက်ကြားများပါ ထနေ၏။ ငါး လိပ် ငါးမန်းတို့ အကြီးအကျယ် ဒုက္ခရောက်ကြရ၏။ ကျီးငှက် သိန်း စွန်တို့၏ အစာမျှသာ ဖြစ်ကြရ၏။

* ဤအဖြစ်အပျက်ကို နှလုံးသားအထိ ထင်မြင်နေသူက ဗုဒ္ဓ။ ဟုတ်၏။ ထိုအဖြစ်အပျက်သည် ဗုဒ္ဓ၏ နှလုံးသားကို ထိခိုက်စေ၏။ ဗုဒ္ဓ၏ မဟာကရုဏာတော်သည် တိုက်တွန်းအပ်သည်ဖြစ်၍ “ယနေ့ပင် မိုးကို ရွာစေခြင်းငှါ သင့်၏”ဟု အကြံဖြစ်တော်မူ၏။

* ထိုအကြံကို အကောင်အထည်ဖော်လိုသော မြတ်ဗုဒ္ဓသည် နံနက်ရဟန်းငါးရာဖြင့် ဆွမ်းခံကြွ၏။ ဆွမ်းခံရွာမှအပြန် ရှင်အာနန္ဒာအထံမှ ရေသနုပ်ကို တောင်းတော်မူ၏။ ရှင်အာနန္ဒာသည် အံ့သြခြင်းကြီးစွာဖြင့် ရေသနုပ်ကို ဆက်ကပ်၏။ မြတ်ဗုဒ္ဒ ရေသနုပ်လဲပြီး ဇေတ၀န်ရေကန်သို့ အဆင်း သိကြားမင်း သိ၍ မိုဃ်းနတ်သားကို ခေါ်၍ မိုဃ်းရွာစေ၏။ ကောသလတိုင်း တစ်တိုင်းလုံး မိုဃ်းသည်းထန်စွာ ရွာသွန်းဖြိုး၏။ ငါး လိပ် ငါးမန်းများ အသက်ချမ်းသာရာ ရကြ၏။ သိန်းငှက် စွန်ရဲတို့၏ ဘေးရန်မှ လွတ်ကင်းကြရ၏။

* ညနေ သံဃာတော်များ ဓမ္မသဘင်ဝယ် ဤသတင်းစကားကို ပြောကြားနေချိန် မြတ်ဗုဒ္ဓ ကြွတော်မူလာ၍ အတိတ်ဇာတ်ကြောင်းကို ဟောတော်မူပါသည်။

#ဉာတိဒုက္ခနှင့် သူတော်ကောင်းနှလုံးသား …
* “ပတ်ဝန်းကျင်ရဲ့ ဒုက္ခကို ခံစားနိုင်သောနှလုံးသား သူတော်ကောင်းတွေမှာ မရှိဘူး”ဆိုတဲ့ အဆိုကလေးတစ်ခုကို မထင်မရှား နာယူမှတ်သားမိတယ်။ ဟုတ်တာပေါ့။ ဒီနေ့ ချုံနွယ်တွေနဲ့ ပိတ်ဖုံးနေတဲ့ ရေအိုင်လေးတစ်အိုင်၊ ပူလိုက်တဲ့ နွေ၊ ခေါင်လိုက်တဲ့ မိုဃ်း၊ ရေတွေက ခန်း၊ သစ်ပင်ချုံနွယ်တွေက ခြောက်သွေ့။ သိန်းငှက် စွန်ရဲတွေက ပျော်မြူးနေသလောက် ငါး လိပ် ငါးမန်းတွေက ဒုက္ခရောက်ကြ၊ သြော် အပူလောက ဒုက္ခတွေ တောထနေပါလား ….

* ဆွေမျိုးတွေရဲ့ ပျက်စီးမှုကို ဘယ်ဆွေမျိုးကများ သာယာခံစားနိုင်မှာလဲ။ ခုပဲကြည့်လေ။ ဘုရားလောင်း ငါးမင်း၊ မိမိဆွေမျိုးတွေရဲ့ ဒုက္ခသုက္ခတွေကို ကြည့်ပြီး သောကတွေ ရောက်နေလေရဲ့။ “ ဒုက္ခသုက္ခတွေမှ လွတ်မြောက်မှုကို မိမိမှတပါး အခြားသူ မစွမ်းဆောင်နိုင်ဘူး”လို့ တွေးနေမိတယ်။

* ဒါနဲ့ “အို … မိုဃ်းနတ်မင်း ငါသည် ဆွေမျိုးတို့ကို အမှီပြု၍ ဆင်းရဲသောက ရောက်ရ၏။ သင်သည် သီလရှိသော ငါသည် ပင်ပန်းသည်ရှိသော် အဘယ်ကြောင့် မိုဃ်းကို မရွာေးသနည်း။ ငါသည် ဇာတ်တူဖြစ်ကုန်သော သတ္တ၀ါတို့ကို စားတတ်သော အမျိုးနှိုက်ဖြစ်သော်လည်း ဆန်လုံးတစ်လုံးမျှ ပမာဏရှိသော ငါးကိုလည်း စားအပ်ဖူးသည်မည်သည် မရှိ။ ငါသည် တပါးသော သတ္တ၀ါကို ဇီဝိတိနြေ္ဒမှ မချဘူးခဲ့။ ဤမှန်ကန်သော သစ္စာစကားကြောင့် မိုဃ်းရွာစေပြီး ငါ၏ ဆွေမျိုးအပေါင်းကို ဒုက္ခအပေါင်းမှ လွတ်စေလော့”ဟု သစ္စာဆိုလိုက်၏။

* သစ္စာဆိုပြီးသည်၏ အဆုံးနှိုက် မိုဃ်းသည်းထန်စွာ ရွာသွန်းပြီး ငါး လိပ် ငါးမန်းအားလုံး မရဏဒုက္ခမှ လွတ်မြောက်ကြခဲ့တယ် - ဟု အတိတ်ဇာတ်ကြောင်းကို ပြန်ပြောင်းသတိရစေခဲ့ပါသည်။
* သုံးသပ်ဆင်ခြင် အကျွန်ုပ်အမြင် …

* ဤဇာတ်ကြောင်းကို လေ့လာရင်းက - #ခန္တီမေတ္တာနုဒ္ဒယသမ္ပတ္တိံ”ဟူသောပုဒ်အရ ဤဇာတ်တော် ဤပရိတ်ဒေသနာတော်ကို ရွတ်ဖတ် နာယူ ပူဇော်သူများသည် ပထမတစ်ချက် အနေဖြင့် -
၁။ ကောင်းဆိုးနှစ်တန်ကို မတုန့်ပြန်တတ်တဲ့ ခန္တီတရား၊
၂။ သတ္တ၀ါတို့၏ အကျိုးကို လိုလားတဲ့ မေတ္တာတရား၊
၃။ သတ္တ၀ါတို့ကို သနားကြင်နာတတ်တဲ့ ဒယာဟု ဆိုအပ်သော ကရုဏာတရားများ ပြည့်စုံရမည်။

* ဒုတိယတစ်ချက်အနေဖြင့် “မဟာဇနံ ဒုက္ခာ မောစေဿာမိ”ဟူသော ပုဒ်ကို ထောက်ဆ၍ “လူအပေါင်းကို ဒုက္ခအပေါင်းမှ လွတ်မြောက်စေအံ့”ဟူသော ရည်ရွယ်ချက်။

* တတိယတစ်ချက် “သစ္စကိရိယံ ကတွာ”ဟူသော ပုဒ်ကို ထောက်၍ မိမိ၏ ဖြစ်စဉ်အမှန်ကို ဆင်ခြင်၍ ၀စီသစ္စာဆိုခြင်းဟူသော အချက်သုံးချက်ကို လေ့လာတွေ့ရှိရပါသည်။

* သို့ဖြစ်၍ ဤပရိတ်ဒေသနာတော်ကို ရွတ်ဖတ် နာယူမည့်သူများသည် -
၁။ ကောင်းဆိုးနှစ်တန်ကို မတုန့်ပြန်တတ်သော ခန္တီတရား၊
၂။ သတ္တ၀ါတို့၏ အကျိုးကို လိုလားသော မေတ္တာတရား၊
၃။ သတ္တ၀ါတို့ကို သနားကြင်နာတတ်သော ဒယာဟုဆိုအပ်သော ကရုဏာတရား၊
၎။ လူအပေါင်းကို ဆင်းရဲဒုက္ခအပေါင်းမှ လွတ်မြောက်စေလိုသော ရည်ရွယ်ချက်၊
၅။ မှန်ကန်တဲ့ ၀စီသစ္စာတရားများ ပြည့်စုံရမည်ဖြစ်ကြောင်း လေ့လာတင်ပြလိုက်ရပါသတည်း ……

* နတ်ဖိတ် ......
၁။ သမန္တာ စက္က၀ါဠေသု၊ အတြာ ဂစ္ဆန္တု ဒေ၀တာ။
သဒ္ဓမ္မံ မုနိရာဇဿ၊ သဂ္ဂမောက္ခဒံ။

၂။ ဓမ္မဿဝနကာလော အယံ ဘဒန္တာ .......

* ငါးရံ့မင်းပရိတ် (ခေါ်) မစ္ဆရာဇသုတ်ပါဠိ ....
(၁) ပူရေန္တံ ဗောဓိ သမ္ဘာရေ၊
နိဗ္ဗတ္တံ မစ္ဆယောနိယံ။
အာစရိ ဟိတဉ္စ ဉာတတ္ထံ၊
မဟာမေဃံ ပ၀ဿိယ။

(၂) ဝဿာပေသိ ဂိမှာနေပိ၊
မစ္ဆရာဇာ မဟာဒယော။
သုတ္တဿ တေဇသာ ယဿာ၊
သုတ္တနံ္တ၀ ဘဏာမ ဟေ။

(၃) ပုနာပရံ ယဒါ ဟောမိ၊
မစ္ဆရာဇာ မဟာသရေ။
ဥဏှေ သူရိယ သန္တာပေ၊
သရေ ဥဒက ခီယထ။

(၄) တတော ကာကာ စ ဂိဇ္ဈာ စ၊
ကင်္ကာ ကုလလ သေနကာ။
ဘက္ခယန္တိ ဒိဝါရတ္တိံ၊
မစ္ဆေ ဥပနိသီဒိယ။

(၅) ဧ၀ံ စိန္တေသ,ဟံ တတ္ထ၊
သဟ ဉာတီဟိ ပီဠိတော။
ကေန နုခေါ ဥပါယေန၊
ဉာတီ ဒုက္ခာ ပမောစယေ။

(၆) စိန္ထယိတွာန ဓမ္မတ္ထံ၊
သစ္စံ အဒ္ဒသ ပဿယံ။
သစ္စေ ဋ္ဌတွာ ပမောစေသိံ၊
ဉာတီနံ တံ အတိက္ခယံ။

(၇) အနုဿရိတွာ သတံ ဓမ္မံ၊
ပရမတ္ထံ ၀ိစိန္တယံ။
အကာသိံ သစ္စကိရိယံ၊
ယံ လောကေ ဓုဝသဿတံ။

(၈) ယတော သရာမိ အတ္တာနံ၊
ယတော မတ္တာသ္မိ ၀ိညုတံ။
နာဘိ ဇာနာမိ သဉ္စိစ္စ၊
ဧကံ ပါဏမ္ပိ ဟိံသိတံ။
ဧတေန သစ္စ၀ဇ္ဇေန၊
ပဇ္ဇုန္နော အဘိ သဿတု။

(၉) အဘိတ္ထနယ ပဇ္ဇုန္န၊
နိဓိံ ကာကဿ နာသယ။
ကာကံ သောကာယ ရန္ဓေဟိ၊
မစ္ဆေ သောကာ ပမောစယ။ (ဇာတက ပါ-၁၈၊ ဋ္ဌ-၃၄၈)

(၁၀) သဟကတေ သစ္စ၀ရေ၊
ပဇ္ဇုန္နော အဘိ ဂဇ္ဇိယ။
ထလံ နိန္နဉ္စ ပူရေန္တော၊
ခဏေန အဘိ ၀ဿထ။

(၁၁) ဧ၀ံ ရူပံ သစ္စ၀ရံ၊
ကတွာ ၀ီရိယ မုတ္တမံ။
ဝဿာပေသိံ မဟာမေဃံ၊
သစ္စတေဇ ဗလဿိတော။
သစ္စေန မေ သမော နတ္ထိ၊
ဧသာ မေ သစ္စပါရမီ။ (စရိယာပိဋကပါဠိ)

သတ္တ၀ါအားလုံး အပူပေးမှ ကင်းဝေးနိုင်ကြပါစေ ......

အရှင်သီလာစာရ
မြတောင်ကျောင်းတိုက်
ရေနံချောင်းမြို့
27.5.2017