”” ပထမကြာကူလီ၏ သံဝေဂကို သုံးသပ်ကြည့်ခြင်း““

”” ပထမကြာကူလီ၏ သံဝေဂကို သုံးသပ်ကြည့်ခြင်း““

* “ဒု, သ, န, သော”ဟူသောစကားကို လူတိုင်းကြားဘူးကြပါလိမ့်မည်။ ထိုစကားမှာ ဗာရာဏသီသား ကြာကူလီများ၏ သံဝေဂသံတွေပါ။ အဲဒီအထဲက ပထမကြားကူလီသမား၏ စကားမှာ “ ငါတို့ဟာ လှူဖွယ်ဝတ္ထု, အလှူခံပုဂ္ဂိုလ်တို့ ထင်ရှားရှိပါလျက် မပေးလှူကြကုန်။ ယုတ်မာသော အသက်မွေးခြင်းဖြင့် အသက်မွေးမိကြကုန်၏။ စည်းစိမ်းဥစ္စာရှိကြပါလျက် မိမိ၏ မှီခိုရာကို မပြုမိခဲ့လေကုန်” ဟူသောစကားဖြစ်ပါသည်။
* “စွန့်လွှတ်မှု”တစ်ခုဖြစ်ဖို့ဆိုရာမှာ (၁) စေတနာသမ္ပတ္တိ - စေတနာနှင့်ပြည့်စုံမှု၊ (၂) ၀တ္ထုသမ္ပတ္တိ-လှူဖွယ်ဝတ္ထု၏ ပြည့်စုံမှု၊ (၃) ပုဂ္ဂလသမ္ပတ္တိ-အလှူခံပုဂ္ဂိုလ်၏ ပြည့်စုံမှု၊ ဒီသုံးခုနဲ့ ပြည့်စုံမှသာ ဖြစ်ရိုးထုံးစံရှိပါသည်။ စွန့်လွှတ်မှုရှိမှလည်း ဘ၀မှာ ပြည့်စုံမှုရှိလာမည်ဖြစ်၏။ ဘ၀ပြည့်စုံမှု ဘ၀သမ္ပတ္တိမဖြစ်ရင် ဘ၀၀ိပ္ပတ္တိ-ဘ၀ပျက်ဆီးမှုသာ ဖြစ်တော့ပေမည်။ ဒီသဘောတရားသည် ငြင်းမရသော အမှန်တရားဖြစ်၏။
* ပထမကြာကူလီသမားသည် ဒီသဘောတရားကို နားမလည်။ မခံစားတတ်။ မပြည့်စုံသည်ကား မဟုတ်။ ပြည့်စုံသည်သာ။ သူဋ္ဌေးသားဆိုတော့ လှူဖွယ်ဝတ္ထုလည်း မုချရှိမည်ဖြစ်၏။ အလှူခံပုဂ္ဂိုလ်လည်း ရှိမည်သာ။ သို့သော် “ ပြည့်စုံမှုကို ခံစားဘို့သက်သက်” ဟု နားလည်ထားဟန်တူ၏။ ထို့ကြောင့် စေတနာသမ္ပတ္တိ - စေတနာပြည့်စုံမှုမဖြစ်ဘဲ စေတနာဝိပ္ပတ္တိ - စေတနာပျက်ဆီးနေခြင်းဖြစ်၏။
* ၀ိပ္ပတ္တိ - ပျက်ဆီးမှုမှန်သမျှသည် ကောင်းကျိုးမပေးသည့်အပြင် ထိုပျက်ဆီးမှုနှင့် တန်ဘိုး တူသော အခြားအရာတစ်ခုကိုပါ စွဲနှစ်တတ်သော သဘောရှိ၏။ ဤသည်မှာ အမှန်တရားဖြစ်၏။ ထိုဝိပ္ပတ္တိကြောင့်ပင် ပထမကြာကူလီသမားသည် လောဟကုမ္ဘီငရဲ၌ အနှစ်ခြောက်သောင်းခံစားနေရ၏။ ဟော ... လောကဆိုတာ စွန့်လွှတ်နိုင်သူကိုသာ စံစားခွင့်ပေး၏။ မစွန့်လွှတ်နိုင်သူကိုကား ခံစားခွင့်သာပေး၏။
* ပို၍ ဆိုးသည်ကား ပထမကြာကူလီသမားသည် မစွန့်လွှတ်နိုင်ရုံမျှမဟုတ်။ ယုတ်မာစွာဖြင့် ရယူသိမ်းပိုက်ထား၏။ ကိုယ်ဖြင့်လည်း ယုတ်မာစွာ ရယူသိမ်းပိုက်၏ နှုတ်ဖြင့်လည်း ယုတ်မာစွာ ရယူသိမ်းပိုက်၏။ စိတ်ဖြင့်လည်း ယုတ်မာစွာ ရယူသိမ်းပိုက်၏။ ဤသည်ကို “ယုတ်မာသော အသက်မွေးခြင်း”ဟု ဆိုရ၏။
* မစွန့်လွှတ်နိုင်မှုသည် အပါယ်စာချုပ်ရှိရုံမျှသာ ဖြစ်သေး၏။ မသေချာသေးပေ။ ယုတ်မာသော အသက်မွေးမှုဖြစ်လာပြီဆိုရင်တော့ လက်မှတ်ပါ ထိုးပြီးသားဖြစ်သွားတော့၏။ ဖျက်၍ ရတော့မည်မဟုတ်ပေ။
* ဘာပဲဖြစ်ဖြစ် လောက “လူ”ဆိုသည်မှာ သမ္ပတ္တိ ပြည့်စုံမှုကို ခံစား, စံစားချင်ကြမည်မှာ မုချဖြစ်၏။ ထိုကဲ့သို့ ပြည့်စုံမှုကို ခံစား, စံစားချင်ကြတယ်ဆိုရင် ထောက်ရာ တည်ရာတစ်ခု ရှိရမည်မှာလည်း အမှန်ပင်ဖြစ်ပါ၏။
* ထို့ကြောင့် ယနေ့မှစ၍ အကျွန်ုပ်တို့တစ်တွေ (၁) စေတနာသမ္ပတ္တိ - စေတနာနှင့်ပြည့်စုံမှု၊ (၂) ၀တ္ထုသမ္ပတ္တိ-လှူဖွယ်ဝတ္ထု၏ ပြည့်စုံမှု၊ (၃) ပုဂ္ဂလသမ္ပတ္တိ-အလှူခံပုဂ္ဂိုလ်၏ ပြည့်စုံမှု၊ ဒီပြည့်စုံမှု သုံးမျိုးဖြင့် မိမိတို့ဘ၀ရဲ့ ထောက်ရာတည်ရာကို ဖန်တီးကြပါစို့ .....ဖိတ်ခေါ်ရင်း...........

ရေနံ့သာ-မောင်သီ (မြတောင် ၂၅.၁၂.၁၂)